ലയൺസ്‌ ക്ലബിന്റെ നേതൃത്വത്തിൽ ഭിന്നശേഷിക്കാര്ക്കായുള്ള കായികമേള നടന്നു.
കൊച്ചി: ലയൺസ്‌ ഡിസ്ട്രിക്ട് 318 C യുടെ നേതൃത്വത്തില് നടത്തിയ ഭിന്നശേഷിക്കാര്ക്കായുള്ള കായികമേള " ലയണത്തലോൺ 2019" എറണാകുളം മഹാരാജാസ് കോളേജ് ഗ്രൗണ്ടില്ൻ ഇന്റർനാഷണൽ ഡയറക്ടർ K.ധനപാലന് ഉദ്ഘാടനം ചെയ്തു.
എറണാകുളം, ഇടുക്കി, ആലപ്പുഴ,കോട്ടയം ,തൃശ്ശൂർ എന്നീ ജില്ലകളിൽ നിന്നായി 40 സ്ഥാപനങ്ങളിലെ ആയിരത്തിഅഞ്ഞൂറോളം ഭിന്നശേഷിക്കാരായ കായികതാരങ്ങൾ പങ്കെടുത്തു.
ഡിസ്ട്രിക്ട് ഗവർണർ എ.വി വാമന കുമാർ അധ്യക്ഷത വഹിച്ച ചടങ്ങിൽ വൈസ് ഗവർണർമാരായ രാജേഷ് കൊളാരിക്കൽ , ആർ .ജി . ബാലസുബ്രഹ്മണ്യം,ക്യാബിനറ്റ് സെക്രട്ടറി സി .ജി . ശ്രീകുമാർ, ട്രഷറർ രാജൻ നമ്പൂതിരി, ജനറൽ കൺവീനർ വിൻസെൻറ് കല്ലറക്കൽ ,ബ്ലേഡ് റണ്ണർ ആയ സ ജേഷ് കൃഷ്ണൻ വീൽചെയർ ബാസ്കറ്റ് ബോൾ താരം അൽഫോൻസാ കണ്ണപ്പൻ, വോളിബോൾ താരമായ ആർ .രാജീവ് ഇരുകൈകളുമില്ലാതെ കാർ ഓടിക്കാൻ പഠിക്കുന്ന ജിലുമോൾ മാരിയറ്റ് തോമസ് എന്നിവർ സംസാരിച്ചു.
രാവിലെ മുതൽ വൈകുന്നേരം വരെ നടന്ന കായികമേളയിലെ വിജയികൾക്ക് എംഎൽഎ മാരായ പി.ടി .തോമസ് , ഹൈബി ഈഡൻ , റോജി ജോൺ സിനിമാതാരങ്ങളായ അപർണ ബാലമുരളി , ചാന്ദിനി ശ്രീധർ നടൻമാരായ ബാബു ജോസ്, ഉണ്ണി ശിവപാൽ സംവിധായകരായ എം പത്മകുമാർ ,അരുൺ ഗോപി,റോബിൻ തിരുമല എന്നിവർ സമ്മാനദാനം നിർവഹിച്ചു. കായിക മേളയിൽ ഒന്നാം സ്ഥാനം .സ്കൂൾ ഫോർ ബ്ലായിൻഡ് ആലുവാ യ്കും രണ്ടാം സ്ഥാനം സെൻറ് ക്ലെയർ ഓറൽ എച് .എസ്സ് .എസ്സ് ഡെസ് കാലടി സ്‌കൂളിനും മൂന്നാം സ്ഥാനം ശാന്തിഗിരി റീഹാബിലിറ്റേഷൻ ഇൻസ്റ്റിറ്റ്യൂട്ട് .ഇടുക്കി സ്‌കൂളിനും ലഭിച്ചു
