തിങ്കളാഴ്ച രാവിലെ 6 മുതൽ ഉച്ചയ്ക്ക് 12 വരെ പെട്രോൾ പമ്പുകൾ അടച്ചിടും: പെട്രോളിയം ഡീലർമാരുടെയും ടാങ്കർ ഡ്രൈവർമാരുടെയും തർക്കം കടുത്തു
കൊച്ചി: സംസ്ഥാനത്ത് തിങ്കളാഴ്ച രാവിലെ 6 മുതൽ ഉച്ചയ്ക്ക് 12 വരെ പെട്രോൾ പമ്പുകൾ അടച്ചിടുമെന്ന് ഓൾ കേരള ഫെഡറേഷൻ ഓഫ് പെട്രോളിയം ഡീലേഴ്സ് അറിയിച്ചു. കോഴിക്കോട് എച്ച്പിസിഎൽ ഓഫീസിൽ ചേർന്ന ചർച്ചയ്ക്കിടെ പെട്രോളിയം ഡീലേഴ്സ് അസോസിയേഷൻ നേതാക്കളെ ടാങ്കർ ലോറി ഡ്രൈവർമാർ മർദിച്ചതായി ആരോപിച്ചാണ് പ്രതിഷേധം.
പെട്രോളിയം ഡീലർമാരും ടാങ്കർ ലോറി ഡ്രൈവർമാരും തമ്മിൽ കുറച്ചുദിവസമായി തർക്കത്തിലാണെന്ന് അസോസിയേഷൻ വ്യക്തമാക്കി. ഡീലർമാർ നേരിടുന്ന ഈ ആക്രമണം അംഗീകരിക്കാനാവില്ലെന്നും സർക്കാരും പെട്രോളിയം കമ്പനികളും ഇടപെടണമെന്നും ആവശ്യപ്പെട്ടു.
സംസ്ഥാനത്ത് ദിവസേന പമ്പുകൾ അടയ്ക്കുന്നതും ടെർമിനലുകൾ ഉപരോധിക്കുന്നതും ഇന്ധന വിതരണം സ്തംഭനത്തിലേക്ക് കൊണ്ടുപോകുമെന്ന് ആശങ്കകൾ ഉയർന്നിട്ടുണ്ട്. പ്രതിസന്ധി പരിഹരിക്കാൻ ഉടൻ ഇടപെടൽ ആവശ്യമാണെന്ന് പൊതുജനങ്ങളും ആവശ്യപ്പെട്ടു.
സാമ്പത്തിക-നികുതി ലോകത്തെ വാർത്തകളും വിശകലനങ്ങളും whatsapp വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ...
https://chat.whatsapp.com/HLBdhOEyIWhI5sOebl3aTu
