2023-24 സാമ്ബത്തിക വർഷത്തില്‍ രജിസ്ട്രേഷൻ വകുപ്പിന്‍റെ വരുമാനം 5219.34 കോടി രൂപ
2023-24 സാമ്ബത്തിക വർഷത്തില്‍ രജിസ്ട്രേഷൻ വകുപ്പിന്‍റെ വരുമാനം 5219.34 കോടി രൂപ ആയതായി രജിസ്ട്രേഷൻ ഇൻസ്പെക്ടർ ജനറല്‍ ശ്രീധന്യാ സുരേഷ് അറിയിച്ചു.
2022-23 സാമ്ബത്തിക വർഷത്തില്‍ ഫെബ്രുവരി, മാർച്ച്‌ മാസങ്ങളില്‍ രജിസ്ട്രേഷന്‍റെ എണ്ണത്തില്‍ വൻവർധനയുണ്ടാവുകയും, 5662.12 കോടി വരുമാനം നേടുകയും ചെയ്തിരുന്നു.
2022-23 സാമ്ബത്തിവർഷത്തില്‍ 10,36,863 ആധാരങ്ങള്‍ രജിസ്റ്റർ ചെയ്ത സ്ഥാനത്ത് 2023-24 സാമ്ബത്തിക വർഷത്തില്‍ 8,86,065 ആധാരങ്ങള്‍ മാത്രമാണു രജിസ്റ്റർ ചെയ്തത്.
എറണാകുളം ജില്ലയിലാണ് വരുമാനം കൂടുതല്‍-1166.69 കോടി രൂപ. ശതമാനക്കണക്കില്‍ ഏറ്റവും കൂടുതല്‍ വരുമാനം വയനാട് ജില്ലയിലാണ്, 115.02 ശതമാനം. തിരുവനന്തപുരം, ഇടുക്കി, പാലക്കാട്, കോഴിക്കോട്, കണ്ണൂർ, കാസർഗോഡ് ജില്ലകള്‍ വരുമാനലക്ഷ്യത്തിന്‍റെ 90 ശതമാനത്തിലധികവും കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂർ, മലപ്പുറം ജില്ലകള്‍ 80 ശതമാനത്തിലധികവും നേടി.
