GST
ഒക്ടോബറിലെ ജി.എസ്.ടി വരുമാനം 1.87 ലക്ഷം കോടി രൂപ ; മെച്ചപ്പെട്ട സാമ്പത്തിക സ്ഥിതിയെ സൂചിപ്പിക്കുന്നു
ന്യൂഡൽഹി: ഒക്ടോബറിലെ ചരക്ക് സേവന നികുതി (ജി.എസ്.ടി) വരുമാനം ആറ് മാസത്തെ ഉയർന്ന നിലവാരത്തിലെത്തി. 1.87 ലക്ഷം കോടി രൂപയാണ് ലഭിച്ചത്.
ഇതോടെ തുടർച്ചയായി എട്ടാമത്തെ മാസവും 1.7 ലക്ഷം കോടിക്ക് മുകളിലായി ജിഎസ്ടി വരുമാനം.
ഉത്സവ കാലത്ത് ഉപഭോഗം വർധിച്ചതാണ് ജി.എസ്.ടി വരുമാനത്തില്‍ പ്രതിഫലിച്ചത്. നിലവിലെ വരുമാന വർധന മുമ്പത്തെ രണ്ട് മാസത്തെ അപേക്ഷിച്ച്‌ മെച്ചപ്പെട്ട സാമ്ബത്തിക സ്ഥിതിയെ സൂചിപ്പിക്കുന്നാണ്.
കഴിഞ്ഞ ഏപ്രിലില്‍ 2.1 ലക്ഷം കോടി രൂപയാണ് വരുമാനമായി ലഭിച്ചത്. അതിനുശേഷം വരുമാനത്തില്‍ കാര്യമായ ഇടിവ് രേഖപ്പെടുത്തുകയും ചെയ്തു.
മെയ് മാസത്തില്‍ 1.73 ലക്ഷം കോടിയും ജൂണില്‍ 1.74 ലക്ഷം കോടിയും ജൂലായില്‍ 1.82 ലക്ഷം കോടിയും ഓഗസ്റ്റില്‍ 1.75 ലക്ഷം കോടിയും സെപ്റ്റംബറില്‍ 1.73 ലക്ഷം കോടിയുമാണ് ലഭിച്ചത്.
