ഉദ്യോഗ ആധാറും M S M E രജിസ്ട്രേഷനും
എല്ലാ വ്യാപാര ഇതര സ്ഥാപനങ്ങളും എം എസ് എം ഇ രജിസ്ട്രേഷൻ എടുക്കുക. MSME എന്നതിൻറെ പൂർണ്ണ രൂപം മൈക്രോ സ്മാൾ മീഡിയം എൻറർപ്രൈസസ് എന്നാണ്. ചുരുക്കത്തിൽ ചെറുകിട സ്ഥാപനങ്ങൾ കേന്ദ്ര സർക്കാരിൻറെ കീഴിൽ രജിസ്റ്റർ ചെയ്യുക എന്നതാണ് ഇതുകൊണ്ട് അർത്ഥമാക്കുന്നത്. ഇപ്പോൾ ഇതിനെ ഉദ്യോഗ് ആധാർ എന്നും പറയും. പണ്ട് എസ് എസ് ഐ(SSI) എന്ന് അറിയപ്പെട്ടിരുന്ന അതെ രജിസ്ട്രേഷൻ തന്നെയാണ് ഇപ്പോഴത്തെ MSME അഥവാ ഉദ്യോഗ് ആധാർ. msme.gov.in എന്ന വെബ്സൈറ്റിൽ സൗജന്യമായി രജിസ്റ്റർ ചെയ്യാവുന്നതാണ്.
കേവലമൊരു രജിസ്ട്രേഷൻ എന്നതിലുപരി ചെറുകിട മേഖലയിൽ ലഭ്യമാകുന്ന പല ആനുകൂല്യങ്ങളും ലഭിക്കാൻ ഈ രജിസ്ട്രേഷൻ സഹായകമാകും.
ചില നിയമപരിരക്ഷകൾ, സബ്സിഡികൾ തുടങ്ങിയവയ്ക്ക് MSME രജിസ്ട്രേഷൻ ആവശ്യമാണ്.
ഓൺലൈനിൽ രെജിസ്ട്രേഷൻ എടുക്കാൻ ശ്രമിക്കു മ്പോൾ ഒരു കാര്യം ശ്രദ്ധിക്കുക. MSME രജിസ്ട്രേഷൻ എടുക്കുന്നതിന് യാതൊരു ഫീസും അടയ്ക്കേണ്ടതില്ല. എന്നാൽ നിങ്ങൾ ഗൂഗിളിൽ M S M E രജിസ്ട്രേഷൻ സേർച്ച് ചെയ്ത് എടുക്കുമ്പോൾ പല വെബ്സൈറ്റുകളും കാണാം. അവയിൽ കയറി ഫോം ഫില്ല് ചെയ്തു കഴിയുമ്പോൾ 1500 മുതൽ 2000 രൂപ വരെ സാധാരണഗതിയിൽ പെയ്മെൻറ് നടത്തുന്നതിന് വിൻഡോ വരുന്നതാണ്. അത് ശുദ്ധ തട്ടിപ്പാണ്. അതിനാൽ msme.gov.in എന്ന വെബ്സൈറ്റിൽ തന്നെ ലോഗിൻ ചെയ്ത് രജിസ്ട്രേഷൻ എടുക്കുക. മറ്റു തട്ടിപ്പ് വെബ് സൈറ്റുകൾ നിങ്ങളുടെ പണം തട്ടിയെടുക്കുന്നു എന്നത് മാത്രമാണ് അവർ ചെയ്യുന്ന ഏക സേവനം.
അതിനാൽ അത്തരം കാര്യങ്ങളിൽ വഞ്ചിതരാകാതിരിക്കുവാൻ ശ്രദ്ധിക്കുക
