സംരംഭകർക്കായി വ്യവസായ വാണിജ്യ വകുപ്പിന്റെ സൗജന്യ ഇ-കൊമേഴ്സ് ശിൽപശാല ; ഓൺലൈനായി ജനുവരി 29ന് മുമ്പ് അപേക്ഷ സമർപ്പിക്കണം
സംരംഭകർക്കായി വ്യവസായ വാണിജ്യ വകുപ്പിന്റെ സംരംഭകത്വ വികസന സ്ഥാപനമായ കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡെവലപ്പ്മെന്റ് ഇ-കൊമേഴ്സ് എന്ന വിഷയത്തിൽ ഏകദിന സംരംഭകത്വ ബോധവൽക്കരണ വർക്ക്ഷോപ്പ് സംഘടിപ്പിക്കും.
സംരംഭകർക്കായി ജനുവരി 31ന് കളമശ്ശേരിയിലുള്ള കീടിന്റെ ക്യാമ്പസിലാണ് സൗജന്യ പരിശീലനം.
ഫ്ലിപ്പ്കാർട്ട്, ഓപ്പൺ നെറ്റ്‌വർക്ക്‌ ഫോർ ഡിജിറ്റൽ കൊമേഴ്സ് (ഒ.എൻ.ഡി.സി), ഗവൺമെന്റ് ഇ-മാർക്കറ്റ്പ്ലെയ്സ് (ജി.ഇ.എം) വിജയിച്ച സംരംഭകന്റെ അനുഭവം പങ്കിടൽ തുടങ്ങിയ സെഷനുകൾ ഉൾപ്പെടുത്തിയിട്ടുണ്ട്.
താത്പര്യമുള്ളവർ http://kied.info/training-calender/ വെബ്സൈറ്റ് സന്ദർശിച്ച് ഓൺലൈനായി ജനുവരി 29ന് മുമ്പ് അപേക്ഷ സമർപ്പിക്കണം.
കൂടുതൽ വിവരങ്ങൾക്ക്: 0484 2532890/ 2550322/ 9188922785.
സാമ്പത്തിക-നികുതി ലോകത്തെ വാർത്തകളും വിശകലനങ്ങളും whatsapp വഴി അറിയാം. ഗ്രൂപ്പിൽ അംഗമാകാൻ ക്ലിക്ക് ചെയ്യൂ...
